《十年》喺香港票房好就係人都知啦！今日仲終於得到國家認證呀！國家曲線宣傳機關《環球時報》終於宣布《十年》係最高榮譽嘅「思想病毒」級別，一套獨立電影可以有咁嘅成績真係唔容易呀！

獨立電影《十年》本身喺香港只係得一間戲院上映，但係因為口碑好到一傳十十傳百，所以越來越上戲院上映呀！

環時幫《十年》寫埋電影簡介，個介紹又寫得幾吸引喎，仲幾振奮人心?。中間又講下一國兩制呀，極端反對派呀之類呢啲例牌keywords咁啦。最後仲話300幾萬票房只係影響到香港小眾，仲話《十年》係思想病毒呀！


《環球時報》以往都係會高度表揚一啲正義同有份量嘅傑出人物，今日經過《環球時報》嘅大力宣傳，相信《十年》票房衝千萬不是夢呀！

來源：《十年》facebook page、《環球時報》