天氣預測過幾日會落雪喎，咁咪要買定啲雪褲雪鞋？！不過最多都係落1cm啫，唔使咁淆住喎，你估係其他堅凍嘅地方咩～聽講呀，喺啲會真•落雪嘅地方，政府係要準備定啲融雪鹽包㗎～

香港嘅小朋友可能就唔係好知喇，融雪鹽包即係咩東東呢？即係一包包用嚟融啲雪嘅鹽囉，知唔知？知。

浙江政府驚落大雪會影響交通，就擺咗好多融雪鹽包喺橋頭做應急物資。點知咁都畀同胞們搶晒返屋企呀冇陰公……咩喎，河馬唔馬呀？融雪鹽包都係鹽！

連電台都要喺微博提大家唔好拎啲融雪鹽包嚟煮飯呀！邊個見過人用融雪鹽包當鹽炒菜？冇？毛毛見過！毛毛真係喺強國見過！

封面圖片來源：浙江交通之聲/微博

資料來源：央廣網、浙江交通之聲/微博