邊個話求學不是求分數㗎？俗乳有暈，攞到高分，啲女女先會覺得你seem like fun㗎嘛！所以啲強國學生喺份卷上面強行留言求分，嗰份緊張成績嘅心情，毛毛明㗎喎～

呢位小學生求個老師畀80分佢好過年，唔通冇80分佢老母會同佢開年？但個老師又真係畀80位學生喎，喂，求下就有分，咁唔使溫書啦！

咦，呢份卷係考人畫喊樣㗎，咁多喊喊樣嘅？

哦，原來係個學生喺試卷上畫個喊樣想老師畀佢合格，點知改卷個教授畫咗個更大嘅喊樣出嚟，仲話「想送分都送不成啊」，梗係啦，個喊樣畫得咁肉酸，應該照住慘盈個樣嚟畫嘛！

有啲學生就索性唔用苦肉計，反而咁樣威脅個老師畀高分佢，都幾絕喎！

不過畀著毛毛係個老師都唔畀高分位學生啦，以為寫幾隻字就嚇到毛毛咩？毛毛身體不知幾健康呀！

威逼唔成，有學生就選擇利誘，冇錯！就係用美男計喇！話等佢有車有樓嘅時候就會娶個老師喎～

不過都要改卷嗰個老師係寂寞中女先得，唔係好似呢個學生咁，搞錯老師性別就7啦！       

其實使咩搞咁多嘢喎，喺分數欄度寫「老师对党是 __________ 分的爱！」咪保證拎到滿分囉！

封面圖片、資料及圖片來源：新浪網
好很難試卷回帶：【好很難】小六TSA 田二少答錯一半