娘娘嚟講呢，有好多種，有鍾意畀人請食飯睇戲嘅，有鍾意收名牌禮物嘅，都有講心唔講金嘅～咁兵仔呢，都有好多種，有大把錢明知會畀娘娘拒絕都照進貢嘅，都有超畀心機親手整禮物同寫信嘅（說穿了就是冇錢）～毛毛作為一個真•偽文青，梗係後面嗰種啦，但兵仔眾多，點先可以突圍而出呢？

不如學下呢個大學生咁，用甲骨文寫情信啦～你睇唔明咩？毛毛明喎，開頭咪「鳴鳥於沚，其聲雝雝，其心尤郁，公子美目，星辰新來，見之念之」囉～跟住……er……又咩月又咩日咁囉……哎呀自己睇啦！

唔止甲骨文，仲有金文㗎～唔係個學生哥食飽sss冇飯屙呀，其實係湖南一間大學漢語言文學系嘅功課嚟㗎～原來真心話唔一定英文講先真心啲，用古文字寫仲有誠意喎！不過唔知佢哋女神又識唔識呢～

等毛毛都抄考下佢哋，寫返封信畀女神先……咩呀喂，唔好心邪喎，呢個係個「心」字嘅金文嚟㗎！毛毛對住女神，就是滿滿的心心心心心！嗚呀真係諗起都high high地，希望女神明毛毛嘅心意啦！

人哋話，愛情，喺男人同女人眼中，喺有啲分別㗎。係咩？有分別咩？大家都係講心咋嘛～

封面圖片、資料來源：騰訊網

想溫書可以睇：點解個心咁古怪嘅？