英菲混血YouTuber Asha Cuthbert之前用廣東話拍咗條片霸氣回應蝗精大導嘅「有樓就係成功」論，激到蝗大導好小學雞咁串嘴話「我喜歡做的事全部成功。你哋唔喜歡買樓可以繼續瞓帳幕！吹得我漲咩？」再次成功引起全港廢青嘅關注呀！

啲廢青仲整咗個2016最新標語創作大賽嚟歌頌阿蝗大導?，可想而知佢幾受廢青愛戴吖！

呢啲咁有愛嘅創作當然唔可以畀佢停啦！

最近Asha又再挑蝗精機，拍咗條片，好疊馬咁吹雞搵咗百幾人嚟講自己方式嘅成功呀～

有人覺得搵到份Dream Job係成功啦，又有人覺得可以同愛人一齊去旅行就係成功啦……Well，雖然呢啲嘢毛毛一樣都未做到，但睇完真係覺得好勵志呀！成功，原來都可以好簡單！

Asha都有喺條片入面分享佢自定義嘅成功，就係可以拯救5隻貓BB嘅生命喇！佢仲有餵啲貓BB飲奶奶?，女神真係好有愛呀！毛毛突然覺得啲貓BB都好成功呀！

雖然，呢條片講唔出啲咩大道理，但就好有親切感！係囉係囉，成功嘅定義每個人都唔同，毛毛都覺得自己有個好成功嘅老竇老母㗎，因為……佢哋可以養到毛毛咁大！所以成功，毛毛見過，真係見過。

封面圖片、資料及圖片來源：Facebook/ Asha Cuthbert、YouTube/ ASHA ETC、2014香港人醒覺
蝗日日日回帶：【睇戲睇王晶系列】2016最新標語創作大賽