到底要一齊咗幾耐先稱得上愛情長跑呢？Er......呢個問題毛毛暫時答大家唔到，所以唯有向有拖拍嘅mk fd子請教下，佢哋話：「個零月囉......」，55，果然係現代嘅羅密歐與茱麗葉！

咁乜嘢先係真・愛情長跑呢？呢對今年慶祝緊第82週年結婚紀念嘅美國老夫老婦就肯肯定係喇啩......

聽講佢哋係喺1934年結婚嘅，嘩！毛毛嗰陣仲係游嚟游去咋，i mean個魂魄......佢哋話喎，兩個人喺埋一齊最緊要三樣嘢：尊重對方、要視對方係一生摯愛，同埋唔好小小事就鬧交！

而老公公今年就102歲喇，唔通發少啲脾氣，個人都會健康啲嘅？

嗚哇，毛毛都好想同女神好似佢哋咁呀，就算係82日，呀唔係，係82秒都好吖！不過首先......唉都係算啦，唔FF咁多。最後，祝呢對公公婆婆健健康康，日日都咁恩愛～

資料及圖片來源：Daily Mail