估唔到球王美斯去到強國，竟然會受到冷淡式招待！強國人真係見慣大場面呀！

是咁的，話說前排美斯去咗強國，有電視台就邀請佢去上一個關於足球嘅電視節目。球王仲親自入埋更衣室度，同班年青足球員打氣?呀！點知，就係呢個鏡頭出事喇......美斯一入到去冇人企起身打招呼不突止，仲要美斯親自行埋去同佢哋握手：

之後有個後生仔畀主持人叫咗出嚟，但佢個樣就好似不情不願咁，搞到美斯要主動同佢合照呀！

就係呢幾幕，搞到一班強國網民都睇唔過眼，大鬧佢哋冇禮貌呀！

不過亦都有人話班後生仔其實只係嚇傻咗，唔識畀反應啫。嗯，肯肯定係咁啦！又好難怪佢哋有咁嘅反應嘅，世界球王咋嘛！唔需要大驚小怪啦，咱們強國都有個亞洲足球先生鄭智，更厲害！毛毛9估，佢哋都係一班見慣大場面嘅小朋友嚟，區區一個球王，嚇佢哋唔到嘅（應該係，除非唔係）！

封面圖片來源：浙江衛視截圖

資料來源：浙江衛視微博