毛毛以為「雞包紙包紙包雞」淨係會喺故事度出現，但原來強國嘅藥廠早就超英趕美，研發咗最多嚿魚嘅「藥丸包藥丸」呀！

是咁的，強國有個好受歡迎嘅相聲演員叫岳雲鵬，佢近排唔好彩有乾眼症，於是就叫朋友寄咗啲好得嘅眼藥嚟。

食咗成個星期藍色藥丸之後，唔知是咪得閒得滯攞啲藥嚟玩呢，終於畀佢發現到個驚天大秘密！粒藥丸入面有第二粒藥丸嘅喂！

嗱等毛毛解釋一次畀大家聽啦。原來係個生產商好叻叻豬咁搵個藥丸形嘅膠殼嚟保護粒藥丸，點知個演員唔知道，連盒咁啪，仲啪咗成個禮拜咁多呀......唉，學強國網民話齋，啲膠可能已經被消化晒?喇！真係諗起都覺得個菊花痛痛哋.....

強國包裝技術一日千里，好彩香港都唔輸蝕，識得包可樂！咁樣衛生啲吖嘛，唔係咩？

封面圖片及資料來源：岳雲鵬微博