見就嚟新年，毛毛焗住去睇下有咩靚生果買畀啲姨媽姑姐囉，點知見到日本蘋果成60蚊個，提子都80蚊抽喎，都係多個日文貼紙啫，使唔使咁貴呀……

毛毛以為啲新潮生果舖賣到咁貴，已經離晒罩㗎啦，點知呢個日本蘋果仲過份！只係擺入個黑色紙盒度，竟然賣成萬円？！毛毛凍到手指彊晒一算，即係差唔多660蚊港紙啵，唔通食咗識飛咩？

少年，你太年輕了，呢個笨唔係普通嘅蘋果，而係用平時250円啲蘋果再加入魔法整出嚟嘅「毒蘋果」！

（吸一大啖氣）嗱使用方法嚟講呢好簡單只要打開個盒拎起個魔法毒蘋果擺入口咬咬咬吞落肚你就可以願望成真喇如果仲係未心足可以用嚟整甜品畀男神女神食呀咁樣樣佢就會鍾意你喇係咪聽落都覺得簡單方便又快捷呢～？

600幾蚊可以令到娘娘鐘意你喎！抵到爛啦喂！知你哋班廢青連幾百蚊都冇㗎喇，毛毛借住呢張價值845萬港紙嘅魔法毒蘋果相畀你哋先啦，只要些牙呢張相，就可以願望成真喇！每些牙一次只收1蚊，係咪抵好多先～

封面圖片、資料來源：黑貓魔術店

延伸閱讀：【最值錢嘅小薯仔】呢張相竟然賣845萬港紙？！