毛毛成日都好羨慕啲外國人可以擺個火爐喺屋企，唔係毛毛怕凍呀，係有個火爐真係堅型囉！而日本就有個網民可能同毛毛一樣，覺得屋企有火爐係件好型嘅事嚟，佢竟然將焗爐變火爐喎！

嘩嘩嘩，搞咩呀？個焗爐真係着晒火嘅？！

是咁的，個日本網民其實係上網見到個薯片食譜，話將啲用錫紙包住薯仔薄片放入焗爐，等一陣就會變成平時一包包脆卜卜嘅薯片喎，咁咪諗住試下自己整囉，點知就搞到個焗爐着火......

最後佢嘅製成品咪變咗咁囉，真係唔知要有幾愈癌愈愛先會食得落呢幾塊薯片......

嗯，呢個故事教訓大家，切勿將唔識煮嘢食嘅地獄廚神們獨留家中。

封面圖片及資料來源：_shironyan／twitter