呢幾日凍到黐晒線，山上面仲成個冰雪世界咁，連背囊同芒草同結晒冰，差啲以為轉個彎會有個Elsa公主飛出嚟呀。

連香港都凍到咁樣樣，台灣實凍得仲誇張，唔止凍到黐晒線，直頭凍到黐肺啦！

嘩嚇到毛毛個心離一離呀！唔L係啩，有人疑似凍到甩咗對眼出嚟呀喂……至奇呀！有個台灣網民話佢一打開個con盒，見到對con竟然雪到成個冰鎮眼球咁樣樣呀！

不過冰鎮洗con水都係濕濕碎啫，最多咪買過對con～呢個網民就真•慘豬喇，佢個車門柄凍到結晒冰開唔到門，佢出盡奶力咁去嘗試開度門，點知就！啪！一聲！條柄咁就斷開咗喇陰公！嘩，毛毛都係唔沖涼喇呢幾日，陣間都咁樣樣啪一聲斷咗點算呀……毛毛講條花灑呀，諗咗去邊呀你又……

封面圖片來源：柯基/‎●【爆廢公社】●

資料來源：香港天氣資訊中心、爆廢公社、爆料公社