呢幾日香港好似進入咗冰河時期咁，日日都話結冰呀、落雪呀咁，毛毛呢啲廢青就真係唔敢出街喇，最多屋企個暖爐開細啲囉……之不過有網友就發現開得暖爐多，竟然搞到啲地磚爆晒呀！下做咩呀，宇宙大爆炸呀？

有元朗嘅網民就同大家傷心些牙佢屋企爆地磚嘅相，佢就話係因為呢兩日都開暖爐，間屋太高溫，所以就搞到啲地磚爆開晒。不過有網友就留言話，其實個暖爐係無辜嘅，只不過係啲磚太薄，又砌得密，喺冷縮熱脹嘅情況之下，最後就搞到咁樣樣喎。

而呢張相今日都喺whatsapp group度瘋傳呀！呢棟喺小西灣嘅住宅，居然成幅牆嘅石磚都跌晒落地！就連天花板都係咁！嚇到人個心都離一離呀！

有職安真師傅就話呀，由於呢幾日溫差大，啲磁磚就會突然收縮，然後又突然膨脹，一鬆就會好容易跌落嚟！嘩毛毛隔住個mon睇都覺得好危險！係，雖然條命係你自己嘅，但都唔該大家呢幾日都睇L住，行過呢啲地方嘅時候，小心早頭獎呀！

封面圖片來源：謝灌剛/Fanny Lee

資料來源：上水粉嶺人分享會、柴灣人柴灣事