作為一個廢青，想食嘢就梗係打唔知幾多個0叫外賣㗎啦，唔通自己落街買咁麻煩咩～如果壞咗?，更加唔使旨意毛毛會行樓梯又上又落呀！毛毛平時返工只係上一層，就算要等幾耐，都要搭?㗎！

有個台灣網民就話佢楝樓壞咗?，有個住戶咪叫外賣囉～哦，壞?唔想行嚟行去，都好正常嘅～不過佢係住成22樓咁高喎！仲要係樓底高嘅，即係要人行成差唔多30層樓送個餐上去呀！

開頭個外賣哥哥唔肯行上去，個好大官威嘅住戶竟然打去客服port人哋囉，咁你知啦，打工仔最怕畀煩客投訴，所以就死死地氣行上去囉……最慘係呢楝樓規定陌生人唔可以單獨上樓，搞到要管理處派人陪佢行上去。為咗個餐，要兩個人行22層樓梯，值得咩？

唔好講行22層樓梯喇，其實淨係咁凍嘅天氣行幾條街送外賣已經係挑戰人體極限！毛毛呢幾日都係多得有外賣叔叔姨姨打救，先可以24小時work in bed咋！外賣叔叔姨姨，仲有全香港要喺戶外工作嘅所有人，毛毛向你哋真•致敬！

封面圖片、資料來源：爆料公社