香港呢幾日氣溫跌到得個位數，又話落雪又話小冰丸乜乜乜咁，搞到成班香港人衝晒上山睇。而強國嗰邊都一樣咁凍，仲凍到真﹒落雪?呀！

好似呢個廣西嘅風景區噚日就落起雪嚟，成班強國人知道就梗係狗衝去睇雪啦！你睇下呢個小朋友揸住個雪球幾咁開心！

可能為咗令到啲雪可以擺得耐啲，等啲小朋友又開心啲，好叻叻嘅強國公安就專登拉起咗條警戒線，唔畀啲人入去破壞啲足足有三毫米咁厚嘅雪呀！真係用心良苦！

不過亦都有人話係因為嗰個地方太危險，怕啲遊人入到去會跣親，所以先要封住咗佢喎。毛毛都唔知咁多，我剩係覺得強國真係好愛惜大自然呀！就算係小如一粒雪，佢哋都會想盡辦法去保護佢！實在係太令人滾動喇！嗚嗚！

封面圖片及資料來源：中新網、成都商報