毛毛最想去嘅國家，一定係日本，因為有刺身啦拉麵啦和牛啦大阪燒啦串燒啦溫泉啦，仲有比卡超啦，仲有蒼井老師啦……呀唔係，係有巧多巧多又創新又打耳嘅科技嘢呀！

創意呢家嘢，日本仔真係冇得輸，最近有人設計咗識得飛嘅盆景呀！唔係真係好似超人咁飛嚟飛去嗰種，係飄浮喺空中㗎～

嗱睇清楚啲呀冇花冇假，冇用魚絲吊住都冇穿崩㗎，佢係用一個直徑6cm嘅磁力底座游起一個苔蘚波波球，上面再插啲小植物嘅～

懸浮盆景仲有好多款揀㗎，毛毛呢就一定會揀最粗最壯嗰棵囉，咁先襯毛毛㗎嘛～

呢個懸浮盆景真係好靚，好似《天空之城》入面個空中城堡咁呀，擺個喺屋企即刻成陣禪味出晒嚟！佢而家仲喺網上集緊資，籌到25萬美金喇～嗱毛毛唔係叫你去夾埋一份呀，第日佢出咗買個畀毛毛就得喇～

封面圖片、資料來源：kickstarter.com