呢幾日連香港都凍到落晒小冰丸咁，更何況係嗰啲落雪國家呢？噚日韓國就係因為太凍，搞到連野生鷹都要撞爆玻璃窗衝入民居度取暖呀！

呢個網民話佢本身喺屋企好哋哋，突然間聽到有啲玻璃碎裂嘅聲喎……咦咦唔通有賊？

冇錯！係飛天賊呀！原來擅闖民居嘅唔係人，係呢隻野生鷹呀！可能佢係咪喺出面凍得滯，所以要衝入人哋屋企度。

你睇下佢個身凍到縮埋一嚿咁，兩隻爪仔捉實啲雜物，就知佢真係凍到頂唔順啦。個網民見到突然有隻比比鳥出現喺自己間房，雖然都驚驚哋，但都特登開咗盞燈畀佢取暖，真係好有愛呀！其實可以咁樣直線野生捕獲呢隻鷹，呢個網民都算同佢幾有緣吖！不如索性收服佢，做個真﹒小精靈訓練員啦！

封面圖片及資料來源：naver