強國大媽除咗叻跳老舞之外，仲去到邊都好似漆黑中嘅螢火蟲咁鮮明，咁出眾?，今次就有個住喺澳洲嘅強國大媽，威出澳洲，一句撻著台灣人呀！

是咁的，台灣「超級星光大道」歌手吳忠明日前喺飛時卜訴苦，話佢喺澳洲街頭賣藝嗰陣畀大媽攻擊呀！個大媽公然侮辱佢話：「台灣人不要臉，像乞丐在這裡賺小錢」喎，仲用佢手上嘅西瓜大大力咁掟佢塊面?！


原來而家啲大媽已經由老舞型，強化成攻擊型喇，強國人果然去到邊都比人強呀！不過嗰位大媽之後就反擊話，係佢唱歌嘈住佢老人家，佢先會走埋去話佢喎，仲話自己冇講過啲咁嘅說話同用西瓜掟佢呀！

媽呀，毛毛好亂呀！呢件事搞到羅生門咁，喺台灣引起好大嘅迴響呀，不過有好多台灣人都支持吳忠明嘅，始終衝出台灣喺海外表演音樂都唔易吖！而今日，吳忠明終於再度回應呢件事喇！

雖然音樂嘅嘢，毛毛都係識條鐵，但人哋表演畀你睇嚕，就算鍾唔鍾意睇都好，都應該尊重表演者㗎嘛！55，毛毛希望啲強國大媽都可以睇到毛毛呢句乳重深長嘅說話啦，唔好郁啲就掟西瓜喇，啲西瓜係無辜㗎！

封面圖片、圖片及資料來源：大Q吳忠明/Facebook