2016年01月26日 星期二
【勁呀！】自閉症患者障礙變技能 變身跳舞咖啡師
雖然條命係自己嘅，想做啲咩都有自己嘅自由，但係點樣可以將呢條命活得出色呢，就唔係人人都做到喇！最近外國就有個自閉症患者，成功將自己身體上嘅障礙變做技能，真係好勵志呀！啪啪啪！
呢個叫做Sam嘅男仔天生就有自閉症，亦都由於呢個病嘅關係，佢喺搵工方面一直都好困難。所以當呢間連鎖咖啡店請佢嘅時候，佢好開心咁同父母講佢第一次覺得人生係咁有意義。
不過好快佢就面對一個難題，就係因為自閉症嘅患者天生會有運動障礙，所以身體經常都會不由自主咁郁動，冇辦法停落嚟。咁樣樣點沖咖啡呢？多得咖啡店嘅經理好相信佢，仲同佢一齊克服呢個障礙?！既然改變唔到，咪接受佢囉！咖啡店經理教阿Sam可以將「運動障礙」變成跳舞嘅動作，而阿Sam亦都好快上手，話咁快就可以一路跳舞一跳沖咖啡喇！其他人仲幫佢起咗個朵叫「跳舞咖啡師」?！
見到佢臉上自信嘅笑容，毛毛都好替佢開心，即刻充滿正能量呀！我都要畀心機擺脫廢青生活先得！！（希望可以last到一個禮拜啦……嗚……）
有片有真相，小心內有洋蔥呀下。
封面圖片來源：Carly Fleischmann
