呢幾日真係凍到毛毛9都縮埋呀！咁凍真係咩生產力都冇……睇住啲幼稚園同小學生可以停課，有公司甚至畀員工射波，而毛毛……唉不要再說了.jpg！啱啱仲要畀我知道，台灣有個良心老細竟然出五倍人工畀啲喺寒流返工嘅職員！哼，啲錢一定係酸㗎！！

呢個唔願上鏡嘅低調好老細係開工廠嘅，啲員工多數都上咗年紀。佢就係知道呢種天氣返工好辛苦，所以就特登出多五倍人工，諗住獎勵下佢哋囉！成班員工知道咗之後都即刻大讚老細好呀！

冇呀毛毛一啲都冇葡萄喎，錢呢啲嘢咁膚淺我先唔會希罕囉！冬天最啱係做咩？係返工呀！就算冇錢毛毛都會返囉！

你睇下我哋個暖男腦細係幾咁貼心！鍍金雙子塔入面仲有暖爐，真係好幸福呀！嗚嗚……嗯，冇呀，毛毛冇喊喎……

封面圖片及資料來源：中時電子報