講真，有波踢邊個想落雨吖，淋病……咗，好大鑊㗎嘛！不過巴西就有對父子竟然打大赤肋咁淋雨，仲要笑笑口咁呀！

段片一開始就見到個天落住大雨，個爸爸抱起咗囝囝喺屋簷下淋雨，淋淋下仲愈行愈遠?！不過個囝囝一啲都冇唔鍾意，仲一直好開心咁望住啲雨呀！之但係......點解咁大個囝都要爸爸抱呢？

有網民就解釋返，原來片入面個囝囝係一名殘障人仕，平時出入都有困難，今次係佢第一次見到啲雨，所以先會咁興奮囉！佢爸爸見到佢咁開心，都好滿足咁望住佢呀！

呢段片upload咗上youtube四日之後已經有十幾萬人睇過喇，好多人都讚呢位爸爸係真男人、好爸爸！嗯，毛毛睇完都好懷念細細個畀爸爸抱嘅時光呀......嗚嗚！

封面圖片及資料來源：Marcos Vinícius Petri youtube