啲弱勢社群冇屋企返，要喺避寒中心瞓已經夠慘㗎啦，避寒中心班民政署職員仲要唔畀有心嘅市民派嘢畀佢哋，真係冇天理呀！

平等分享行動召集人Benson Tsang噚日去深水埗避寒中心，諗住畀返啲人間溫暖班無家可歸嘅朋友，順便派下啲鞋畀佢哋啦，點知嗰個滲住陣陣MK味嘅民政署職員又話上頭唔畀派嘢又乜乜77，最後竟然激動到報警呀！嘩，乜而家啲正苦職員質素咁高嘅？交咁多稅請埋啲MK，好唔fair trade喎！

做咩事先而家？派嘢啫又唔係搶嘢，咁都call慈母？咁又係嘅，689派嘢就話要做戲，人哋瞓緊教都要踢返醒人啫，Benson Tsang又唔係咩高官，梗係唔畀面啦，梗係要講程序啦！香港不嬲都係法治城市嚟㗎啦！

好喇，睇下慈母點解釋先？原來罪名係亂入私人地方呀，乜避寒中心唔係開放畀公眾嘅咩，有人入嚟派嘢又突然間變私人地方呀？真係彈出彈入打我吖笨咁樣喎，喂，啲正苦職員做嘢咁唔經大腦，咁有份出糧畀佢哋嘅毛毛可唔可以擺個腦細款D7佢哋呀？

封面圖片來源、資料及圖片來源：Benson Tsang/Facebook