毛毛曾經打探過女神想去邊度旅行，諗住買兩張機票畀個surprise佢，點知佢話想睇北極光同住冰屋，毛毛再望下自己戶口，嗯，都係冇嘢喇⋯⋯

如果香港都落雪咪好囉，咁毛毛咪可以慳返啲機票錢都同到女神睇雪！或者至少都可以學呢個咁有生意頭腦嘅美國人咁用雪嚟賺返筆呀，咁女神想去邊，毛毛都有錢錢同佢去啦～！

不過佢就唔係好似毛毛咁偉大為咗女神而不惜一切（錢除外），佢整呢間「臨時冰屋」出嚟係租畀人住㗎！

全天然，全人手製作，一張氈加兩個枕頭，就收成200蚊美金一晚，凍到屈斷手指一算，即係差唔多千六蚊港紙喎！

唓！美國先會落雪就話有商機啫，關我L事咩！？話你港豬真係港豬，咁樣咪得囉：

唔知乜嚟？先生阻你一分鐘同你介紹返吖！360度露天全海景全天然豪華紙皮床位，單身毒L都啱住，有枕頭連紙巾，一晚都只係＄4689咋！PS: 請自備電腦。嗯，快啲同毛毛卜啦！

資料及圖片來源：Metro