天氣咁凍，窮丁毛毛都係拎屋企張棉胎當褸著咋，點似得阿孽瘤著皮草咁有米，咁威威喎！

不過咁，皮草制作過程極殘忍就係人都知㗎啦，毛毛真係隔住個mon呀，都聞到件皮草陣血腥味呀！

記者見到孽瘤著皮草去開立法會咁風騷，就問佢驚唔驚畀環保團體插佢啦。不過正所謂，官到無求膽自大，區區環保團體孽瘤又點會放在眼內呢？所以佢就答咗記者一句驚天地泣鬼神嘅mean句，話啲皮草嚟自Farm Animal，同食牛肉差唔多啫！吓？唔L係啩，咁都可以拎嚟類比，唔通真係大家都是動物，不用分那麼細？

愛國愛黨嘅孽瘤當然唔會放過任何一個刷阿爺鞋嘅機會啦！佢仲同記者講呢件皮草喺美國出產，意大利設計，然後Made in廣州，絕對係國際貿易嘅好榜樣喎！望住件皮草，諗住國際貿易，孽瘤都係刻毒涼簿嘅好榜樣吖！

連麒麟呢隻不傷人畜嘅神獸都頂孽瘤唔緊，上年撞L咗佢一鑊，佢都依然咁唔識死，小心今年又畀隻麒麟撞到飛起呀！

封面圖片來源：孽瘤Facebook
資料來源：香港01（http://bit.ly/23sFhFO​）
圖片來源：香港01、huanqiu、YouTube