其實香港人真係好有愛㗎！呢幾日天氣咁凍，我哋人都唔係好頂得順啦，更何況嗰啲冇屋企要喺條街度流浪嘅喵星人同汪星人？佢哋都同毛毛一樣都係得層毛㗎咋！好彩香港有好多有心人為佢哋起咗啲暫時嘅「動物避寒中心」，畀佢哋CC服服咁入去扯鼻鼾！

入面又有毛巾又有暖包，設備都幾齊全㗎！

而呢隻狗仔就仲幸運！噚晚有個小巴司機揸揸下車嘅時候，喺條濕滑嘅公路度發現咗呢隻迷失嘅小狗，於是就救起咗佢喇！

好彩個司機笨冇粗心大意，救返一條寶貴嘅生命咋！佢之後仲喺架小巴度整咗個「狗仔關愛座」，餵埋嘢食畀佢，真係又細心又有愛心！細細聲話你知吖，其實毛毛……真係好鍾意咁可愛嘅大家㗎，hehe！

封面圖片來源：香港流浪動物福利會

資料來源：香港流浪動物福利會、天下貓貓一樣貓