成班香港人上到大帽山淨係可以玩瀡滑梯，想影張落雪相打下卡呃like都唔得，哪有雪，你老＿！不過就算個山多雪到可以堆雪人，都有機會中伏㗎！

好似台灣陽明山咁，呢幾日就變咗做白色世界。打卡？冇問題。堆雪人？一樣冇問題！有位網友上到山就好似前世未見過雪咁，興奮到一手揸住啲雪......

喂啲雪黏黏哋、黐黐哋，仲膠膠哋咁嘅......莫非呢個就係傳說中家明嘅味道？！

摸真啲.....原來係粥嚟㗎！.喂！邊條hihi野外......食粥呀？！專程去到荒山野嶺食粥都已經夠奇㗎啦，仲要搞到周地都係，都唔知係咩嘢興趣嚟嘅！就算係食都食得小心啲、抹返乾淨佢吖嘛！而家搞到人哋成手都係喇！

老老竇竇，無論係粥定係其他嘢，就咁食完就掉喺度，好唔負責任囉！唔係下下都有好心人幫手執手尾㗎，上得山就自己負責任啦，好冇？

封面圖片及資料來源：Alice Jing/爆料公社