「唔該幫我印手機張相出嚟吖！」如果係你聽到呢句說話，你會點做呢？台灣有個網民就做咗個舉動，震驚全宇宙13億人呀！

是咁的，話說有個同事想要呢個網民手機入面嘅一張相，但係又冇時間去曬相舖度曬相喎，於是就諗咗個驚天地泣鬼神嘅方法出嚟呀！

冇錯！佢就係開咗手機張相出嚟，再拎去影印機度影印，咪可以得到一張實體嘅相囉！喂你睇下部電話立體到呀3晒D咁呀！下次唔爭在影埋做彩色啦！btw，呢個咁突破盲腸嘅方法都畀呢個同事諗到，實在太有智慧喇！可惜最後部機都係印唔到手機張相出嚟而係印咗手機張相出嚟（呢句講緊啲咩自己參透下啦。），不過肯肯定唔關個同事智商事囉，一定係部影印機唔夠先進！

其實唔止手機㗎，如果你電腦想print screen嘅話都可以直接拎去影印機度印出嚟！曬相錢都慳返既方便又快捷啦！不過首先你要有錢買影印機同買紙先......

封面圖片及資料來源：批踢踢