2016年01月27日 星期三
【堅 土豪利是】999%含膠量金箔人仔成本先嗰兩蚊
計毛毛話，「臥槽，國家怎老是不作千元鈔票！叫老子怎封紅包給小的勒？」應該係強國千千萬萬個強國土豪嘅心聲囉！年年都要攝十幾廿張100蚊人仔落同一個利是封度，係幾咁辛苦嘅事，你哋班廢青又點會想像得到吖？
好在深圳嘅尖端創意珠寶商，今年成功研發咗要價超過100蚊張嘅高仿金箔人仔呀！仲連埋張國土資源部出嘅「含金量999%」證書?，塞一張等於塞幾張㗎～
你唔好睇呢張嘢閃到咁殘眼，就以為係足金呀，少年，你真係太年輕了！佢表面上係一張金箔人仔，實際上係一張999%含膠量、膠過香港十蚊紙嘅真土豪送禮佳品！嘩，用膠都可以整到咁似金，祖國科技發展真係一日萬里！而成本先嗰兩蚊咋！用蔗渣都不如嘅價錢就整到燒鵝味道，祖國果然偉大。
唉，不過假金鈔又有乜好怕喎，你以為其他金飾就係足金嘅咩？其實全部都係膠做㗎咋！如果唔係膠做嘅話，啲新娘條頸仲唔斷？
