唔知係咪班設計師同班馬騮前世有咩深仇大恨，唔止強國喎，連台灣嘅猴年台北燈節隻福祿猴都係咁樣樣，真係唔多對路喎！

早前呢隻央視嘅猴年春晚吉祥物「康康」連強國網民都幫佢唔落，話「被醜哭了！！堅決抵制！！」，點知，真正嘅猴年波士原來喺台北呀！！

呢隻2016台北燈節主燈「福祿猴」，sell呢個葫蘆形狀嘅主燈，你有冇見過葫蘆形嘅馬騮？毛毛見過，真係見過。

呢個Del嘥嘅九唔搭八程度已經用九唔搭八都形容唔到，首先你唔好問點解冇啦啦會有盤蛋喺隻馬騮入面，因為之後會孵下孵下孵咗隻熊出嚟。


見到呢隻嘢成功打敗咗央視嘅康康，連台灣嘅鄉民都感動到媽媽都叫埋出嚟。

毛毛想同個設計師講：「做咩啫你？」
睇返：【央視猴年春晚吉祥物】連強國網民都話：美猴王變醜猴王
來源：央視新聞/微博、願景在地→台北