正所謂，就算一張廁紙、一條底褲，都有佢嘅價值，用完嘅暖包都有！台灣呢間中學嘅棒球隊日前就喺飛時卜甫咗張徵暖包嘅長輩圖，回收用完嘅暖包，仲好疊馬咁話，你有幾多佢收幾多?。


究竟要咁多唔再暖嘅暖包有咩用？用嚟練棒球定想攞啲炭出嚟變鑽石先？叻哥就話可以玻璃變腎石啫！


原來佢哋收集咁多用完嘅暖包，係想將入面嘅鐵粉拎出嚟循環再用，修補棒球場上嘅窿窿呀！

毛毛唔是讀理科，睇完阿教練解釋點樣用暖包嚟補窿都係一嚿雲，但佢話咗畀毛毛聽一個大豆奶！就算暖包唔再暖，都唔係廢物，都有佢嘅用途，所以就算毛毛係條廢青，都一定有用嘅，係未搵到啫！55，人生，突然又再充滿希望喇！

封面圖片、資料及圖片來源：苗栗縣立鶴岡國民中學棒球隊、女壘隊