呢個係一個可歌可泣嘅感人故事，主角同佢嘅寵物，由相識到離別經過咗刻骨銘心嘅6個鐘，睇完搞到毛毛滾動到濕晒喇......

台灣有個好有愛嘅網友，佢恨咗養寵物嚟宣洩愛心好耐㗎喇，可惜人在屋企身不由己，無論佢點樣哀求，都係過唔到父母嗰關呀！好在皇天不負有心人，經過多年努力，母后大人總算格外開恩破例畀佢養寵物喇～

冇錯，係蜆呀！母后仲好闊佬咁話「要幾隻隨便抓，晚餐前拿下來還喔。」。媽！由相遇一刻就要拆散人哋，妳忍心咩！
不過主角睇得好開～佢計咗一計，佢同啲蜆仲有6個鐘寶貴嘅相處時間呀！經歷完呢次極速死別，主角用個胃領悟到，蜆真係方便又好食嘅寵物嚟！

毛毛睇完都深有同感到流埋口水！今晚打邊爐都等毛毛養返幾隻寵物蜆再睇住佢滾下滾下，一定會同樓主一樣咁滾動呀！

封面圖片及資料來源：dcard