細路哥最鐘意乜都畫一餐，藍色嘅狗仔又有，識飛嘅貓仔又有，估都估佢唔到，不過通常啲大人都係睇完講完「畫得好靚喎」就算，唔會認真對待小朋友畫咩出嚟嘅。

美國有個6歲細路仔畫咗佢嘅dream cake出嚟，上面有啲咩呢？嗯……最底一層應該係蝸牛殼，中間嗰層兩邊係識得企嘅蚯蚓，再上面有波板糖同兩個男仔囉！嘩，咁嘅蛋糕，媽咪都幾難買到畀你啫阿仔，食返普通豬屎蛋糕算啦好嗎？

但係佢媽咪，竟然將呢幅畫神還原，整咗個99%似嘅蛋糕出嚟呀！哦～原來嗰兩條唔係蚯蚓，係士的嚟㗎！媽咪原來本身係個麵包師傅，所以整得咁叻囉！

最頂兩粒人仔都唔係普通人，而係砂鍋入面嘅Han Solo同Ezra Bridger呀～呀咁睇落，囝囝又畫得幾似喎～

呀其實毛毛心目中都有個尖cake㗎，如果有人可以幫毛毛神還原出嚟就好嚕！

個蛋糕係咪彈得好高先，蝦蝦蝦。

封面圖片來源：imgur

資料來源：imgur、英國《每日郵報》