很感激，喜歡我十年仍不休，但係，其實咁十年咁耐，咩都會變㗎傻豬，你睇下，連架車都可以生晒草，女神都一樣會變心㗎！

嘩呢架車泊咗喺度有冇10年呀大佬？喺車門又生晒雜草叉晒出嚟，連車尾都生埋樹喎。車主，係咪諗住返嚟攞車嗰陣可以有棵樹仔幫你為遮下蔭呀？細心啲睇，條Tree根仲生埋落地面，吸收馬路嘅養分喎。

嗯……條樓梯同欄杆就嚟畀樹怪食落肚喇！唔知有樹先定有樓梯先呢？

仲有呀，呢個滑梯，都搞到毛毛唔知有滑梯先定有樹先！咁樣樣一瀡落去咪撞死囉……唔通呢條就係傳說中嘅投胎滑梯……嚇到個心寒一寒呀！

封面圖片來源：爆料公社

資料來源：爆料公社、羊羊