知唔知點解毛毛一直都唔拍拖？唔係因為毛毛毒，而係因為我知道愛嘅反面，就係恨呀！毛毛唔想恨人，亦都唔想傷人哋個心搞到人恨我，所以先一直唔拍拖咋嘛（好似係）！外國呢個網民就係因為畀佢個前未婚夫狠狠咁hurt完，決定嚟個大報復！

是咁的，話說hehe樓主一早已經plan好咗會同男朋友結婚，點知結婚前夕個未婚夫竟然同咗個伴郎一齊……樓主嬲到he唔出喇，眼見條pk漏低咗部wii喺屋企，就決定要好好咁包裝再送返畀佢！復仇嘅工具係一卷牛皮膠紙同一包索帶，然後就隨自己嘅心意，將啲牛皮膠紙一層一層咁黐上去，再綁埋啲索帶佢。

每一層都包含住樓主滿滿嘅祝福，真係好有愛㗎！

包好晒之後當然要入箱啦！除咗發泡膠之外，樓主仲加咗啲閃粉點綴下！到時個前未婚夫一打開個箱，咪會成屋都係閃粉囉！一定好靚嘅啫！

睇完呢個故事之後，毛毛學到一個道理就係：原來唔止女人唔得罪得，連男人……都係唔得罪得㗎！所以呢，單身都係有單身嘅好，你哋啲有拖拍嘅識條鐵咩！555。

封面圖片及資料來源：imgur