手震腳震又沾寒沾凍，毛毛都唔知幾想單手打字......留返一隻手捉實個暖包呀！不過唔好傻啦，畀腦細睇到嘅話咪大件事？

點知，原來呢個世界上有啲唔使貼住佢都取到暖嘅暖包㗎！

偉大嘅日本又有世界級發明喇！想取暖，唔使用手嘅，用個口吞佢落肚啦！

體內發熱？嘢酵素作用？乜L嘢嚟㗎？毛毛讀書唔多，唔好同我講咁多學術嘢喇，直接試下咪知囉！日本一班應該同樣震住打字嘅記者朋友，為咗驗證呢個食用暖包效果，特登拋個身出嚟，做咗個人體實驗呀！

嗱呢位勇者做實驗前嘅體溫係咁嘅：

佢首先試傳統暖包，喺室外貼住吹風10分鐘！

哇！體溫仲高過實驗之前呀！

然後再試新式暖包。

一次過吞晒落肚之後又再出去過冷河，但係點解體溫不升反跌嘅......

唉，咁大個人就唔好咁天真啦，食咗就會全身慶恰恰？仲諗住拎嚟加餸暖下個胃？少年，你太天真了！

封面圖片及資料來源：rocketnews24、味源