上星期港女神畀警察限制佢上山嘅自由，搞到佢嬲嬲豬咁講咗句至理名言，話條命係佢哋自己㗎喎！嗰種為咗捍衛自己上山嘅自由，甘願被擺上網鬥hit rate嘅精神，毛毛係欽敬嘅！

不過，今次港女神有對手喇！喺強國，有個女人喺地鐵大大聲傾電話，其他乘客溫提叫佢細聲啲啦，點知佢竟然話傾電話係佢嘅事，仲大聲夾惡話自己就係冇道德，傷害咗邊個佢負責喎！嘩，咁誠實嘅喂？食咗誠實豆沙包呀？

雖然個強國女人係就係霸道啲，但至少佢知道誠實嘅美德吖，其實冇道德又有咩好怕喎，最怕係你明明冇道德，但又要站喺道德膠地做道德L啫，就好似呢班PK咁！

唉，毛毛有時聽佢哋講埋啲難聽過粗口嘅廢話，真係想塞個誠實豆沙包畀佢哋食，等佢哋可以誠實啲、坦白啲咁面對自己啲衰嘢呀！

封面圖片來源：中大新闻/YouTube
資料及圖片來源：蘋果日報、中大新闻/YouTube