正所謂行行出狀元，只要努力就會有收穫㗎啦（好似係）～而強國就有個專業人士為咗提升自己嘅水平，好畀心機咁寫咗本工作日記，入面寫住N句自我提醒嘅說話㗎，仲強調埋職業道德?！可惜呢本日記曝光之後，佢嘅職業生涯就咁玩完嚕…...

是咁的，呢位人兄喺18歲嗰陣就已經做到自己嘅尖job，即係做個專業嘅騙徒呀！而且一做就做咗30年，仲投入到寫咗本日記?～

不過喺佢眼中，佢笨唔係一個騙徙，而係一個演員呀！佢話：「人生如戲，角色不同」，仲喺本嘢度記低每次嘅「演出地址」呀、「演出收穫」呀咁，真係好pro喎～霞姨，畀多個飯盒吖唔該！

佢仲寫低埋啲規矩，例如「數目千萬不能太大，決不超過5000」，話驚收費太貴會影響到人哋生活喎，乜咁有職業道德呀？

btw，雖然佢做騙徒係唔啱，但香港夠有騙徒連戲都唔交，淨係齋坐就袋成5000萬啦.......

封面圖片及資料來源：網易新聞