2016年01月31日 星期日
【高中生活最後便當】阿媽擺啲咁嘅嘢落去 想整喊人咩？
又到咗last day嘅季節！仲記得毛毛中學個last day，成班同學仔喺度講埋晒啲懶感性嘅說話，搞到毛毛都差啲喊出嚟！而日本有個高中生最近都喺last day嗰日感動到想喊喎，而派洋蔥嘅竟然唔係同學仔，係每日為佢整便當嘅阿媽？！
冇錯，就係呢張夾喺便當入面嘅紙仔！都知你哋睇唔明日文㗎喇，等毛毛call毛記日文翻譯專員幫大家翻譯啦：
真係睇到毛毛濕都眼埋......係呀，畢咗業之後就係一個大人，要面對好多嘢、少咗時間陪屋企人，仲冇得好似以前咁，日日返學瞓覺、放學打波......好多嘢都係過咗去先知道要珍惜㗎，所以趁而家咪飲多碗阿媽靚湯、call下班老死咁囉（感性咗，sor9ly）。
封面圖片及資料來源：yuuki19980227/twitter
