就嚟新年，又係毛毛大顯身手嘅時候喇！雖然毛毛鎅女唔叻，但鎅水仙頭都有一手㗎～不過唔好搞錯水仙頭同洋蔥喎，水仙頭界完係拎嚟種，唔可以拎嚟食㗎！

上年就有傻豬豬以為水仙頭食得，整咗味水仙頭爆炒牛肉，結果搞到全家都中晒毒呀！毛毛以為呢家人以身試毒嘅偉大行為，已經成功教育全港市民水仙頭有毒啦，點知竟然有人擺啲疑似水仙頭嘅物體喺啲貓糧度，係咪存心靠害啲貓貓先？

人食咗水仙頭都要入醫院啦，更何況係貓貓呢？唔係真係以為貓貓係有九條命呀嘛！不過就算嗰啲唔係水仙頭，係蒜頭，畀貓貓食咗都一樣死㗎咋！擺呢啲嘢落啲貓糧度嗰個人都唔知係無知，定想毒死啲貓貓喇！

其實除咗水仙頭，有好多人食得嘅嘢，貓貓食咗都會出事㗎！

所以如果見到有呢啲嘢喺貓糧度，幫幫手執走佢，唔好畀貓貓食到，會中毒㗎！ 

封面圖片來源：CUHK Secret
資料及圖片來源：CUHK Secret、星島日報