獨留狗狗喺屋企真係好危險！唔係隻狗狗會有意外呀，而係屋企嘅傢俬隨時會畀破壞力驚人嘅狗狗咬爛晒！

就好似外國呢隻咁大份嘅汪星人咁，主人一返到屋企竟然見到佢咬穿咗度門，連個信箱都冇埋?！唔係畀佢食咗啩！？

主人話呀，呢隻兩歲大嘅狗狗係出咗名嘅破壞王，乜都畀佢咬爛過咁滯！嘩！佢真係好大隻，如果突然間狗衝過嚟毛毛度，毛毛真係一嘢就比佢K.O.，成個月返唔到工！

唉，又唔怪得啲狗狗咁曳嘅，主人就有街去就Kai先啫，但狗狗就自己一枝狗真係會巧寂寞⋯⋯因為佢嘅世界，就只有你！所以咁多位主人，原諒佢哋啦！

回帶：【弊家伙kick住咗】狗狗貪玩中伏被困喺梳化

圖片及資料來源：Metro