古乳有暈，動物園入面嘅動物，其實都係人扮嘅（好似係），之不過日本有間動物園竟然明張目膽咁畀啲人扮嘅動物周圍走？喂咁開放嘅咩而家！

是咁的，話說前幾日上野動物園開始一年一度嘅意外演習，背景設定喺地震發生之後，籠入面嘅動物走晒出嚟，所以全部工作人員都要變身做zoo keeper捉返佢哋！而今年嘅走佬主角就係斑馬喇！

有冇見過人咁大，仲識用兩隻腳行路嘅斑馬？毛毛見過，我真係見過。佢仲識一個打十個、同?地賣萌?！

喂人扮喎？咁咪好易捉？其實呢個動物園每年都會同另一個動物園合作搞呢個人扮動物演習㗎，有晒經驗，好輕易就捕捉到佢哋。好似上年嘅主角大猩猩咁，用個網就收服咗佢啦！

小日本實在太可惡喇！點解連動物園做演習，處理動物走佬意外，都可以認真得嚟又咁打耳㗎？唔得，等毛毛用金錢制裁佢哋先！

封面圖片來源：UenoZooGardens/twitter

資料來源：UenoZooGardens/twitter 、視角日本微博