啲貓星人成日都見窿就捐，咁喺地球嘅某一個角落度，有隻貓都係好鍾意窿，弊就弊在佢睇中咗個wrong hole，即係花樽個窿呀！花樽有曲線㗎喂，捐咗入去因著變活塞貓呀！

卡住喺個樽度嘅佢，嚇到爆發咗小宇宙，撐爛咗個樽身......不過個樽頸仲喺度呀！

好在睇咗獸醫之後，話佢冇危險咋～

而個大膽嘅貓奴影咗相，仲開心share埋，啲網民一眼就睇得出，呢個造型同埃及貓神一樣，相似度有成400%！

仲出埋改圖?！鬼叫貓貓cosplay得咁似啫，喵！

嗱，古乳有暈，好奇心會殺死貓，雖然貓有九條命（好似係），不過咁玩都幾危險㗎，下次都係搵啲易除啲嘅道具cosplay啦喵～

封面圖片及資料來源：Hardin314/imgur