毛毛雖然已經大個仔喇，不過都會成日去買公仔嘅，咩喎，毛毛晚晚都攬住啲公仔傾下偈先瞓㗎～聽人講呢，如果買二手公仔會……有啲邪㗎喎……唔知係咪真嘅呢～哎呀講講下都覺得寒寒地呀～

有個台灣網民話自己買咗隻兔兔公仔，之後發現個吊牌上面，寫住啲字呀……嘩，唔通咁邪，真係咁啱畀佢買到咒怨公仔，上面寫住「奶頭有毒」？！

唔係呀唔係呀，諗咗去邊呀又，個吊牌係寫住「Dear 美美小妹妹 Merry Christmas」呀！下面就有嫲嫲個簽名，仲畫咗個心心仔?呀～原來係嫲嫲買畀乖孫女嘅聖誕禮物，真係好warm呀～

呀咦？咪住先，典解份聖誕禮物又會返咗去舖頭畀呢位網民買到嘅？嗯……唔通係美美小妹妹收到公仔之後唔鍾意，偷偷地去退貨……希望嫲嫲唔會知道個公仔嘅下落，繼續以為乖孫女日日都好開心咁攬住個公仔瞓啦。

不過而家啲老友記咁潮，如果嫲嫲好似邢黃滿金咁日日上facebook，見到爆料公社個post點算呀！講講下毛毛都有啲掛住毛嫲，唔知佢今日有冇著夠衫呢？WhatsApp同佢傾陣偈先～！

封面圖片、資料來源：爆料公社

延伸閱讀： 【史上最潮阿嫲】識玩FB自拍仲會落filter執相