今日大埔又有位人兄出post話自己跌咗個銀包，不過唔係重酬尋銀包喎，而係要多謝一個好型嘅人呀！！

呢個轉身加句「叫我阿昌得喇」，真係瀟灑到呢，如果係吳宇森啲戲佢行出門口嗰下一定有道強光同埋一喳白鴿飛出嚟呀！

班網民都話大埔昌哥真係堅・有型，又型又man又靚仔呀～



雖然冇人知道呢位大埔昌哥係咩樣，但係依照毛毛嘅FF呢，大埔昌哥應該係有孤傲嘅背影，英俊嘅外表，高深嘅笑容，深沉嘅目光，仲有種好強嘅氣，冇錯，就係英氣。

係囉，冇錯囉，香港精神咪就係咁個囉，毛毛覺得其實每個真・香港人心入面，都係一個大埔昌哥。

來源：Po Chun/Tai Po 大埔