喂呀係咪想搞濕毛毛......對眼先？今日幫人執銀包嘅大埔昌哥（回帶：大埔昌哥幫人莫望報 呢啲至係真英雄），已經睇到毛毛好滾動㗎啦，點知啱啱，真係啱啱，大埔又有好人好事喇！

是咁的，有網民坐坐下車毛聊望出窗嘅時候，發現有班人好熱血咁喺度幫緊個婆婆推手推車呀！

架車上面仲要放滿晒紙皮同紙箱，毛毛呢啲廢青隔住個mon都覺得重啦，但係呢班人竟然走去幫個婆婆手，仲要有講有笑，真係好傻豬豬，好可愛呀！唔知點解毛毛覺得佢哋靚仔過吳彥祖，靚女過林嘉欣?呀！不過話毛毛認真L都要講㗎喇，婆婆下次唔好喺馬路推車喇！好危險㗎知唔知！

唔計較付出去幫人，呢啲咪係真﹒獅子山精神囉！有時唔係下下要搵大錢，先叫做成功嘅。55。

封面圖片及資料來源：Annda Chan/Tai Po大埔