每逢過年，毛毛就會被參加唔同親戚嘅批鬥大會，唔係問毛毛搵幾錢人工、就係問毛毛拍拖未......唉，睇在封利是份上，毛毛忍！不過原來親戚批鬥大會都唔算恐怖，班親戚啲小朋友先係最恐怖呀！呢個網民咪一個好例子囉：

嗚哇，只係行開咗15分鐘，佢心愛嘅模型sss就散晒喺個地下度喇！

最慘係，同阿媽講，阿媽又話係你自己冇擺好啲嘢！諗住同返個親戚講啦，個親戚又話啲細路仔係咁㗎啦......喂大佬，一句「細路仔係咁㗎啦」大晒呀？最最慘係個死?仔仲要話「哥哥啲嘢咁易爛」呀！！！真係呢，唔貼返個告示看下門口都唔得嘅～

btw，如果個?仔連字都未識睇嘅，咁毛毛幫大家唔到嘞，好自為之啦。

封面圖片及資料來源：Wolf Fu／高達同好聚