報告！毛毛今年暫時收到八封利是！不過仲未拆嚟睇幾錢呀，都係廿蚊封㗎啦……毛毛記得以前細個，即係豬腸粉仲賣緊5蚊6條個年代呀，好多人仲封緊10蚊封利是㗎，如果收到摸下係硬嘅，就知道佢一定係封10蚊！如果摸落軟嘅，都仲有機會係廿蚊！

不過大家而家收到利是唔使估估下喇！因為本年度最偉大發現已經誕生喇！就係「神奇封咗等於冇封利是封」！呢個利是封盡顯設計師嘅藝術觸覺，結合傳統剪紙工藝同興咗幾年都仲興緊嘅不死see though，復古得嚟又帶啲摩登，啱晒唔鍾意過年又鍾意逗利是嘅廢青呀～

最最最重要係唔使拆開都知入面封幾錢，仲刺激過即場拆人情呀嗚呀！希望腦細都會用呢個利是封啦！

不過呢，其實利是嘅嘢，都係意頭嚟嘅啫，如果係屋企人派畀自己，入面就算封幾錢都開心㗎～

封面圖片、資料來源：小心駕駛(討論別人駕駛態度)