你以為食粒魚蛋出動防暴慈母好荒謬咩，少年你太年輕了，喺沙特阿拉伯呀，公仔著得暴露啲都畀警察拉呀！

是咁的，話說有個男人扮公仔喺街度派傳單，都畀警察話佢犯咗「穿着不合乎回教標準的服飾」同埋「露出女性身體部分」呢兩條罪而拉咗佢呀！露？露咗邊度呀，畀毛毛睇過……唓！露條手臀出嚟咋嘛，又唔係一帶一露，仲要係公仔嚟咋喎，咁都要拉？
不過咁，呢啲始終都係人哋嘅伊斯蘭文化㗎嘛，警察拉一定有道理㗎，都要尊重人哋警察嚴正執法㗎嘛係咪？（港豬仔mode）

嗱嗱嗱，之後警察都發聲明話，咁做係想提醒其他人「扮女人」係犯法咋，個動機幾偉大呀！同樣地，毛毛都深信班慈母係唔想班港豬豬食小販食到肚痛，先趕絕班小販，同當睇良景管理員唔到咋嘛，都話明慈母同慈豆啦，又點會唔愛香港先得㗎！

封面圖片來源：khalid8890/Twitter
資料及圖片來源：khalid8890/Twitter