2月6號台南發生大地震，根據台灣消防署今日中午公布嘅數字，已經有60人死亡。而教援人員依然喺現場不眠不休咁搶救生還者，並冇放棄任何一個機會。

除咗捐錢畀慈善團體，大家仲可以點做呢？有位台灣網民選擇向無名英雄默默致敬。佢喺一間小食店食緊嘢嘅時候，見到一個消防員，於是就諗住偷偷地去幫佢畀錢，當係表示對教援人員嘅答謝。

點知突然間聽到後面有人問佢：「你也要幫他付哦？」原來咁啱又有另一個食客想幫消防員畀錢！最後呢位網民畀完錢之後，仲同消防員講係另外一個埋咗單走咗，再向佢躹躬致敬。

以前新年願望講「世界和平」實畀人話好行，但今年睇到台灣嘅天災、香港嘅人禍，就知道呢個願望唔容易達成。新一年，希望世界和平，安居樂業。

封面圖片、資料來源：Danny Dun