為咗有效咁樣消耗晒啲年糕，唔少老母都各出奇謀，務求令到個雪櫃可以快啲清咗又大兜又阻埞嗰幾餅嘢佢。
先嚟個早餐，年糕飛碟三文治，睇落都幾好食吖。

然後午餐就食叉燒年糕炒飯啦，冇錯係煎完啲年糕又食唔晒，叮返熱再食都食唔晒，所以索性溝埋落啲炒飯度唔覺唔覺咁食埋佢。
下午茶食啲輕巧啲嘅嘢啦，咁好心機嘅自家製米奇吉蒂年糕，悅目啲胃口都會好啲啩，唔知係唔係畏買底年糕返嚟溶咗佢再倒返落個模度咁整嘅呢？
晚飯唔使諗喇索性就咁拎出嚟送飯啦，呢味菜色就係叫年糕炒蛋，好似係。
咁宵夜就簡簡單單整返個經典煎年糕啦，乖乖地食完佢好瞓喇。

毛毛已經預測到未來幾日檯頭會日日都有年糕送飯呀，年糕炒芥蘭咁，仲有幾底喺雪櫃?，應該食到下年年初一就食完㗎喇。