唔好以為藝術嘅嘢毛毛識條鐵，梵高嘅畫都識返幾幅㗎～不過可能係中學冇讀art嘅關係（其實係咩科都冇讀......），驟眼睇呢幅圖嘅時候，仲大大聲同人講「呢幅畫咪梵高間房囉！」，然後就7咗喇......

嗱，其實毛毛都唔算錯晒嘅，只不過佢唔係一幅畫，而係一間房嚟咋嘛！

是咁的，芝加哥藝術學院最近就收藏咗梵高間房系列嘅其中一幅，咁為咗宣傳下佢哋嚟緊嘅展覽，就照住幅畫整咗呢間房出嚟，然後用藝術價10蚊美金租出去，引班文青注意囉！
佢哋話喎，入到去會有一種住喺幅畫入面嘅感覺！梗係啦，間房搞到好似複製貼上咁，直情100%match呀！佢哋仲油到成間房都五顏六色，連啲陰影呀細節位呀都畫埋出嚟?！

不過真到咁，連啲筆痕都喺埋度，毛毛隔住個mon都聞到陣油味呀喂！呢啲嘢，都係留返畀啲真文青感受下喇，55。

封面圖片及資料來源：vincent/airbnb